Text: Adi Selinger
Musik/Arrangement: Thomas Steiner
Interpretation: Stefan Fromwald (Bass), Stefan Meller (Schlagzeug), Adi Selinger (Gitarre, Gesang), Thomas Steiner (Klavier, Gesang)

Waun da Herbst si mit seine guidane Foabm im Nebel guat vasteckt
Und in da Frua der Reif die Föda gaunz zoat bedeckt
Die Kinda mit rote Backerl im Goatn die Bladl zaumen trogn
Jo daun kimmt boid die Weihnocht, losst eich deis sogn.

Ref:
Waun ma denkt, wos do vor launger Zeit in Betlehem ist passiert
heit geht’s nur darum wer die vün Geschenke finanziert
Wir sollten stü werden, in uns eine hean und daun a no vastehn
Zu Weihnochten werdn wir jedes joa wos gaunz Bsundres erlebn.

Die easchtn Nikoläus woatn im Regal, irgendwie wird’s jedes Joa friara
In die Gschäfte herrscht die Hektik, gibt den Ton und das Tempo aun
Des Kindlein in der Krippn wuit uns wos aunders sogn
Wir suin den aundern unterstützen, zuhean und uns vatrogn.

Ref:
Waun ma denkt, wos do vor launger Zeit in Betlehem ist passiert
heit geht’s nur darum wer die vün Geschenke finanziert
Wir sollten stü werden, in uns eine hean und daun a no vastehn
Zu Weihnochten werdn wir jedes joa wos gaunz Bsundres erlebn.

Waun die Kinder zu die Eltern aufschauen und die Eltern zu die Kinda stehn,
Waun die, die im Überfluss hobn, denen, die wos brauchen gebm,
waun ma auf die Umwelt schaun, auf unsern Nächsten, und ob und zua mitn Hergott reden
Daun homa ein Friedn im Herzen, und mia kennan uns gfrein,
daun wird Weihnachtn wos gaunz besonders sein.
Daun homa ein Friedn im Herzen, und mia kennan uns gfrein,
daun wird Weihnachtn wos gaunz besonders sein.