O instituto le forschinipeskere entviklinipeske taj multiprofesijonalisirungiske pomoschinel le entviklinpeske le forschinipeskere kamipeske le sikadipendar la Pedagogischi Utscha Ischkolatar Burgenland. Pomoschim le use lipeske uso nacijonali taj internacijonali kongrestscha taj mulatintschagi, visenschoftlichi kvalificirungakere butja le kolegijendar taj kolegtschendar, koperaciji le forscherkijendar taj forscherendar ando entviklinipeskero fabund sud-ost sar te avre austritike taj internacijonali teriteri sikadipeskere kherendar.
O instituto organisirinel schpecifischi aunbitiniptscha uso bajder entviklinipe la foschinipeskera ekspertejisijatar, akarel use arparujiptscha pedar forschinipeskere- taj entviklinipeskere projektscha taj upre oda dikel, kaj i kvaliteta ando visenschoftlichi procestscha dim te ol (forschinipeskere aunrodiptscha, feedback-uschtitiptscha taj use bajder sikadipeskere programtscha).
O instituto le forschinipeskere entviklinipeske taj multiprofesijonalisirungiske cajchninel te le regelmesigi ardipenge la fochiskera cajtungatar phpublico taj le sakoberscheskere mulatintschagoske le forschinipeskere dijestar, kaj o arparujipe le sikadipendar le cile fochiskere kojendar usi tema forschinipe angle tradim schaj ol taj jek bulhi forschinipeskeri kultura pe te etablirinel.
Ando gondo la multiprofesijonalisirungake entviklinel taj organisarinel o instituto, te andi koperacija la Bildungs-direktcijonaha Burgenland, pekamle orijentirti arsikadipeskere- taj bajder sikadipeskere aunbitiniptscha le pedagogenkijinge taj pedagogenge.