Kaj schaj tumenge uso arodipe jeka internacijonali institucijonatar pomoschinas, molinas tumen vasch frija cajtigi kontakiskero upre lipe usi „Stabstelle Bildungskooperationen taj Internationalisierung“ (International Office).
Jek schtudijkero upre likeripe schaj erscht ando triti schtudijakero semesteri kerdo ol. O upre likeripe jeke pomoschagoskere schtudijakere upre likeripeske iste 3 taj maksimal 12 masektscha pro schtudijakero ciklus (Bachelor, Master, PhD) dschal.
So pekamlo ol jeke avrethemutneskere semesteriske:

• Erasmus-Charta ECHE
• inter-institucijoneli arkeripe maschkar i Pedagogischi Utschi Ischkola Burgenland taj la upre limengera organisacijatar
• Inskripcijona ojs ordentlichi schunaschkija vaj schunaschi
• Schtudijakero barikanipe
• Telpaschlaripe le „OLS Assessments“ vascho dikipe la tschibtschakera kompentencatar andi sikadipeskeri tschib la partneriskeri utscha ischkolatar
• Kompatibiliteta le schtudijakere rikatar/fochtscha
• Fleksibiliteta taj phutripeskeri orijentirung le na prindscharde taj angle dikle kojendar

Basis le aun genipeske hi o schtudijakero programo (Learning Agreement pedar 30 ECs), savo maschkar o schtudirendi, la Pedagogischi Utscha Ischkolatar Burgenland taj la kherodaschengera utscha Ischkolatar anglo auntretinipe le avrethemutne upre likeripesatar arkerdo ulo.
Vascho mindenfelitike beverbungiskere fristscha uso partneriskeri utsche ischkoli lenen frija (valami 12 masektscha angloda) le planime avrethemutne upre likeripestar le internacijonali birojiha upri Pedagogischi Utschi Ischkola Burgenland telal veronika.raith@ph-burgenland.at o kontakto upre.

Beverbinipeskere lila

Jeke barikane tel viklinipeske tumare beverbinipestar use jek partneriskeri universiteta adala lila tumendar te kisetinel hi:

• Phandlo beverbinipe upri Pedagogischi Utschi Ischkola Burgenland
• Learning Agreement
• Mangle lila la kherodaschengera utscha ischkloatar